Comité InterANPAs

Tendo en conta que a familia é un alicerce fundamental da Comunidade, desde o Plan Comunitario de Teis favorecemos a asociación de nais e pais a fin de intervir nela.

Así, en 1999 creouse o Comité InterANPAs, espazo formado pola totalidade das ANPAs dos Centros Educativos do Barrio de Teis para traballar conxuntamente con elas na mellora da calidade da educación no sentido máis amplo:

• Na Escola.
• No Lecer.
• Nas Familias.

Actualmente integran este Comité InterANPAs as Asociacións de Nais e Pais dos Centros de Ensino públicos e privados seguintes:

• CEIP Frián Teis
• CEIP Paraixal
• CEIP San Salvador de Teis
• CEIP St Tegra
• Colexio Possumus
• EEI Monte da Guía

¿En qué benefician as ANPAs á Comunidade?

• En que son Asociacións onde participan persoas que -normalmente- nunca estiveron asociadas, polo que constitúen unha boa escola de participación social.
• Comunican e implican máis aos seus membros (nais e pais) que outras Asociacións, polo que son unha canle idónea de difusión informativa.
• Son un ámbito de forte participación das mulleres.
• Actúan de mediadoras naturais en saúde, prevención e ocio alternativo.

 

 

No marco deste Comité, as ANPAs teñen reunións periódicas para intercambiar ideas, coordinar accións, propoñer proxectos e intervir na Comunidade para mellorala.

• Desde o Comité InterANPAs realízanse Actividades comunitarias:
  • Recuperación e potenciación de festas populares (o Entroido, os Maios, o Día das Letras Galegas, etc.),
  • Banco de Libros,
  • Olimpiadas Interánpicas,
  • Andainas,
  • ...
• Ao tempo que xorden Programas preventivos (ex.: Saúde na escola / Programa de Prevención do Consumo de Drogas na Escola (PPCDE), Máis que un teito, Activa,…) que pasan a articularse desde a Comisión de Saúde e Educación e Comisión de Ocio e Tempo Libre e nos que as ANPAs colaboran e participan.
   

Plan Comunitario de Teis
https://www.planteis.org/
https://www.planteis.org/index.php?V_dir=MSC&V_mod=showart&id=164